We use cookies to analyse our traffic. Please decide if you are willing to accept cookies from our website..
English

Hwyl a Sbri yn Gwyddoniaeth Gwych Abertawe

Cyhoeddwyd: 10 March 2020

Yn arddangos ein Technoleg Wych yn Oriel Science yn Amgueddfa Genedlaethol y Glannau, Abertawe 

I ddathlu Wythnos Gwyddoniaeth Prydain a Diwrnod Rhyngwladol y Menywod, mae Gwyddoniaeth Gwych Abertawe yn ddigwyddiad na ddylid ei golli. Cafodd Technocamps y fraint unwaith yn rhagor o gael ei wahodd gan ein partneriaid CoSMOS, sef Oriel Science, i fod yn rhan o'r arddangosfa anhygoel hon. Mae'r digwyddiad hwn yn un gwirioneddol 'wych', ac mae'n cynnig cyfle i deuluoedd gael cipolwg go iawn ar waith gwyddonwyr sy'n mynd i'r afael â phroblemau real bywyd, a hynny mewn labordai ledled y wlad.

Cynhaliwyd y digwyddiad ar y cyd ag Amgueddfa Genedlaethol y Glannau, ac roedd cyfle i ymwelwyr o bob oed weld amrywiaeth eang o arddangosion gwyddoniaeth rhyngweithiol, a hynny o anifeiliaid a phryfed i feteorynnau ac, wrth gwrs, robotiaid Technocamps a oedd mor boblogaidd ag erioed ymhlith plant ac oedolion.

Cyfarfu Jack a Rama o Technocamps Abertawe â nifer o ymwelwyr, gan ddangos iddynt sut y mae rhaglennu robotiaid Sphero i fynd trwy ddrysfa ddŵr a LegoEV3s, a gynlluniwyd yn benodol, er mwyn cwblhau cwrs rhwystr. Aethom ati hefyd i herio'r ymwelwyr i ddatrys amrywiaeth o bosau cryptograffeg – gan roi gwobrau arbennig i'r rheiny a oedd yn llwyddo i gwblhau pob un ohonynt. Roedd ein llysgenhadon wrth law i helpu unrhyw un a oedd yn cael trafferth cwblhau unrhyw rai o'r heriau, yn ogystal ag egluro rhagor am y gwaith yr ydym yn ei wneud mewn ysgolion.

Er gwaethaf argyfwng presennol y feirws Covid-19, daeth nifer mawr o bobl i'r digwyddiad, gyda mwy na thair mil a hanner o bobl yn ymweld mewn un niwrnod. Er hyn, roedd yr ymwelwyr yn ymwybodol iawn o effaith y feirws, gan ddilyn y canllawiau angenrheidiol ynghylch hylendid ac yn manteisio ar y cyfle i ddysgu am y ffydd gorau o gadw'n ddiogel. Gofynnwyd sawl cwestiwn i ni ynghylch sut y gallai technoleg helpu i ddarparu adnoddau y mae eu hangen yn fawr, yn ogystal â helpu pobl i ddod â'u cymunedau ynghyd trwy ddulliau rhithwir.


Y newyddion diweddaraf

Pan oedd Colette Hughes yn penderfynu ar bwnc ar gyfer un o’i hasesiadau terfynol yn rhan o’i hyfforddiant athrawon, cafodd ei hysbrydoli gan weithdy Technocamps yr oedd tîm Bangor wedi’i gyflwyno i’w dosbarth wythnos ynghynt.

Ar gael i'w lawrlwytho nawr.

Mae’n gyffredin meddwl bod eich addysg yn dod i ben pan fydd gennych swydd lawn-amser. Yma yn Technocamps a’r Sefydliad Codio yng Nghymru, credwn fod dysgu yn broses bar- haus y gallwch ei dilyn ar unrhyw adeg yn eich bywyd.

Pan drefnodd Rhun Llwyd, athro TG Ysgol Bryn Tawe, fod tîm Technocamps yn cynnal gweithdai cyfoethogi STEM gyda’i ddisgyblion, ychydig a wyddai y byddai’r sesiynau’n ei ysbrydoli i fynd ar ei daith addysgol hollol newydd ei hun.

Dewch yn Rhan

Oes gennych chi ddiddordeb mewn trefnu gweithdy Technocamps ar gyfer eich ysgol neu goleg? Rydym yn cynnig amrywiaeth o weithdai yn seiliedig ar feddwl cyfrifiannol i gefnogi myfyrwyr a staff trwy CA2 i CA5. Cysylltwch â ni i gael gwybod mwy.

Cysylltu â'r Tîm
Mae'r prif bartner, Prifysgol Abertawe, yn elusen gofrestredig. Rhif. 1138342