Mae ein rhaglen Prentisiaeth Gradd arloesol yn eich galluogi i \"ennill a dysgu,\" gan ganiat\u00e1u i chi aros mewn cyflogaeth amser llawn tra'n ennill gradd BSc (Anrh) sy'n cymhwyso'ch dysgu academaidd yn uniongyrchol i'ch gweithle. Y rhan orau? Mae'n hollol rhad ac am ddim i chi a'ch cyflogwr.<\/p>\n\n\n\n
Dyma bopeth sydd angen i chi ei wybod\u2026<\/p>\n\n\n\n
Beth yw Prentisiaeth Gradd?<\/strong><\/p>\n\n\n\n Mae ein rhaglen Prentisiaeth Gradd yn cyfuno dysgu academaidd traddodiadol mewn amgylchedd Prifysgol gyda phrosiectau seiliedig ar waith sy'n caniat\u00e1u i fyfyrwyr gymhwyso eu gwybodaeth academaidd newydd i'w rolau yn eu cwmn\u00efau. Bydd myfyrwyr yn graddio o'r cwrs gyda BSc mewn Peirianneg Meddalwedd Cymhwysol.<\/p>\n\n\n\n Rydym yn gweithio gyda chwmn\u00efau a sefydliadau ledled Cymru, gan gynnwys, ond heb fod yn gyfyngedig i, DVLA, CGI, Admiral, a D\u0175r Cymru, yn ogystal ag ystod eang o fusnesau bach a chanolig, i gyflwyno ein BSc mewn Peirianneg Meddalwedd Cymhwysol. Mae hon yn rhaglen Prentisiaeth Gradd wedi\u2019i hariannu\u2019n llawn a ariennir gan Lywodraeth Cymru sy\u2019n cefnogi cwmn\u00efau i uwchsgilio aelodau staff newydd neu bresennol a sicrhau bod sgiliau\u2019r gweithlu yn gyfredol ac yn berthnasol.<\/p>\n\n\n\n Mae cyrsiau'n cael eu hariannu a'u cefnogi'n llawn gan y Sefydliad Codio (IoC) yng Nghymru a Llywodraeth Cymru drwy Gyngor Cyllido Addysg Uwch Cymru (CCAUC). Mae\u2019r IoC yng Nghymru yn bartneriaeth fawr a arweinir gan Brifysgol Abertawe, sy\u2019n cydweithio \u00e2\u2019r Sefydliad Codio Cenedlaethol, sydd wedi\u2019i leoli yn Lloegr. Fe\u2019i sefydlwyd i fynd i\u2019r afael \u00e2\u2019r bwlch sgiliau digidol cydnabyddedig yn y gweithlu a chreu\u2019r genhedlaeth nesaf o arbenigwyr digidol. Wedi\u2019i rhagweld yn wreiddiol fel ffordd o helpu i unioni \u2018prinder sgiliau\u2019 mewn Cyfrifiadureg yng Nghymru, mae ein Rhaglen Gradd-brentisiaeth yn profi\u2019n hynod boblogaidd.<\/p>\n\n\n\n Yn ogystal, mae IoC yng Nghymru wedi datblygu cyrsiau Cyfrifiadureg byr, annibynnol (B\u0175tcamps Sgiliau Digidol) i fynd i'r afael \u00e2'r bwlch sgiliau digidol sylweddol ymhellachl. Ariennir y prosiect hwn gan Lywodraeth y DU drwy Gronfa Ffyniant Gyffredin y DU.<\/p>\n\n\n\n Beth yw'r manteision i weithwyr?<\/strong><\/p>\n\n\n\n Gallwch ennill gradd wrth ddatblygu sgiliau a gwybodaeth newydd a pharhau i weithio'n llawn amser. Bydd myfyrwyr yn adeiladu ar eu sgiliau presennol ac yn cynyddu eu hyder i ennill cymhwyster a chael y cyfle i symud ymlaen o fewn eu cwmni.<\/p>\n\n\n\n Beth yw'r manteision i gyflogwyr? Ar gyfer pwy mae e?<\/strong><\/p>\n\n\n\n I fod yn gymwys ar gyfer ein rhaglen brentisiaeth gradd, rhaid i chi fod yn gyflogedig mewn swydd berthnasol, naill ai fel gweithiwr presennol neu weithiwr newydd, am o leiaf 30 awr yr wythnos ac yn gweithio o leiaf 51% o'r amser yng Nghymru. Rhaid i'ch cyflogwr gytuno i chi gofrestru ar y cwrs a'ch rhyddhau o'r gwaith am yr amser gofynnol bob wythnos.<\/p>\n\n\n\n A oes angen cefndir Cyfrifiadura arnaf i ddechrau'r cwrs?<\/strong><\/p>\n\n\n\n Yr ateb byr yw na - rydym yn cychwyn y cwrs o'r pethau sylfaenol, ac nid oes angen unrhyw wybodaeth flaenorol am raglennu \/ cyfrifiadureg. O ran gofynion mynediad, fel rhaglen dysgu seiliedig ar waith, rydym yn gwerthfawrogi profiad ymgeiswyr yn ogystal \u00e2 chymwysterau ffurfiol fel Lefel A. Fodd bynnag, rydym yn cydnabod profiad perthnasol yn achos myfyrwyr h\u0177n nad oes ganddynt gymwysterau Safon Uwch digonol neu ganlyniadau academaidd cyfatebol, a bydd y gydnabyddiaeth hon yn cael ei gwneud yn achos mwyafrif yr ymgeiswyr ar y rhaglen. Edrychwn ar bob ymgeisydd fesul achos. Os ydych yn ansicr neu\u2019n meddwl nad ydych yn bodloni\u2019r gofynion mynediad, cysylltwch \u00e2 ni, a byddwn yn trafod eich sefyllfa.<\/p>\n\n\n\n Beth fydda i'n ei ddysgu?<\/strong><\/p>\n\n\n\n Mae'r cwrs yn cwmpasu sbectrwm eang o gynnwys, gan gynnwys Rhaglennu a Datblygu Meddalwedd, Algorithmau a Chronfeydd Data, Datblygu Apiau Symudol a Gwe, Deallusrwydd Artiffisial, Delweddu Data, a Diogelwch Cyfrifiaduron.<\/p>\n\n\n\n Pa mor hir yw'r cwrs?<\/strong><\/p>\n\n\n\n Mae'r rhaglen yn rhedeg am un diwrnod yr wythnos dros dair blynedd (Dydd Mercher, 1pm-8pm), sy'n gofyn am ddim ond \u00bd diwrnod o ryddhad o'r gwaith bob wythnos. Mae myfyrwyr yn treulio, ar gyfartaledd, 80% o'u hamser gyda'u cyflogwr ac 20% yn gweithio tuag at eu gradd yn y Brifysgol.<\/p>\n\n\n\n Mae Blwyddyn 1 yn cynnwys chwe modiwl 15 credyd sy'n datblygu'r cysyniadau damcaniaethol sylfaenol a'r sgiliau ymarferol sy'n sail i Gyfrifiadureg, ynghyd \u00e2 modiwl portffolio 30 credyd yn seiliedig ar waith.<\/p>\n\n\n\n Mae Blwyddyn 2 yn cynnwys chwe modiwl 15 credyd, sy'n parhau o Flwyddyn 1 i ddatblygu cysyniadau damcaniaethol lefel ganolradd bwysig a sgiliau ymarferol sy'n sail i Gyfrifiadureg. Mae yna hefyd fodiwl portffolio 30 credyd yn seiliedig ar waith.<\/p>\n\n\n\n Mae Blwyddyn 3 yn cynnwys chwe modiwl 15 credyd, sy'n parhau o Flwyddyn 2. Yn lle'r modiwlau dysgu seiliedig ar waith, mae prosiect blwyddyn olaf.<\/p>\n\n\n\n
<\/strong>Mae'r brentisiaeth gradd yn sicrhau bod gan weithwyr a chyflogwyr y sgiliau i fod yn fwy cystadleuol, yn rhoi gwybodaeth gyfredol a pherthnasol i staff ac yn cynyddu cymhelliant ac ymrwymiad i'r sefydliad. Mae hefyd wedi rhoi hwb i hyder staff i gymhwyso eu sgiliau a\u2019u gwybodaeth newydd a datblygu sgiliau meddal pellach, e.e. sgiliau cyflwyno a chyfathrebu.<\/p>\n\n\n\n