Byddwch yn dysgu rhaglennu Python o'r dechrau, drwy gwrs a ariennir yn llawn, wedi'i achredu gan Brifysgol Abertawe ac sy’n cynnig 10 credyd – sy’n berffaith os nad ydych chi wedi creu llinell o gôd erioed o'r blaen. Erbyn y diwedd, bydd gennych sylfaen gadarn yn un o'r ieithoedd rhaglennu a ddefnyddir fwyaf yn y byd.

Ond mae mwy i hyn nag eistedd mewn ystafell ddosbarth. Byddwch chi'n gweithio ochr yn ochr ag academyddion o adrannau gan gynnwys Cyfrifiadureg a Ffiseg, ar brosiect ymchwil ryngddisgyblaethol o'r byd go iawn, gan archwilio sut mae AI yn cael ei ddefnyddio mewn meysydd gwahanol. Mae'n gyfle i weld sut mae AI yn gweithio'n ymarferol, cyfrannu at ymchwil go iawn a chreu rhywbeth y gallwch chi siarad amdano mewn cyfweliadau. Ar ddiwedd y bŵtcamp, byddwch yn cyflwyno eich gwaith - ychwanegiad gwych at eich portffolio a thystiolaeth o'ch galluoedd.

Byddwch hefyd yn cael cymorth cyflogadwyedd pwrpasol drwy gydol y cwrs, gan gynnwys help gyda'ch CV, paratoi ar gyfer cyfweliadau a datblygu'r sgiliau ehangach mae cyflogwyr yn chwilio amdanynt.