Beth yw Technocamps?

Mae Technocamps yn rhaglen ddigidol eang ei chyrhaeddiad. Ein prif nod yw cefnogi uwchsgilio digidol ledled Cymru trwy ein partneriaethau cryf â holl brifysgolion Cymru. Mae ein holl raglenni am ddim i'r derbynnydd, gan eu bod yn cael eu hariannu'n llawn gan Lywodraeth Cymru a CCAUC. Maent yn cael eu hwyluso gan ymrwymiad prifysgolion Cymru sy'n gweithio ar y cyd.

Yn yr Ysafell Ddosbarth
Ein nod yn y pen draw yw cynyddu ymgysylltiad pobl ifanc â phynciau STEM. Rydym yn gweithio gydag ysgolion uwchradd trwy ein rhaglen Cyfoethogi STEM ac ysgolion cynradd trwy ein rhaglen Playground Computing. Rydym hefyd yn darparu hyfforddiant a datblygiad proffesiynol i athrawon i'w paratoi at yr heriau o ddarparu amgylchedd technegol a deinamig.

Y tu allan i ysgolion
Mae ein hymrwymiad i addysg gyfrifiadurol hefyd yn ymestyn y tu hwnt i amgylchedd yr ysgol. Rydym yn darparu cyfleoedd uwchsgilio digidol i bobl mewn cyflogaeth, ynghyd â chyfleoedd amrywiol ar gyfer dysgu gydol oes. Mae ein rhaglen Gradd-brentisiaeth a ariennir yn llawn yn cynnig cyfle i unigolion 'ennill cyflog a dysgu' trwy weithio tuag at radd pan fyddant mewn cyflogaeth lawn-amser. Rydym hefyd yn gweithio gyda busnesau a diwydiant i greu cyfleoedd i sicrhau bod y biblinell ddigidol yn cael ei chynhyrchu'n lleol, gan helpu i ddarparu swyddi o ansawdd uchel a chefnogi economi Cymru.

Cwrdd â'r Tîm

Hanes Technocamps

Ein Hadroddiad Blynyddol

Oriel

Rhaglenni

Adborth

Cyrff Cyllido

Dysgwch fwy am ein prosiectau a ariennir gan Lywodraeth y DU drwy Gronfa Ffyniant Gyffredin y DU.

Prifysgolion Partner

Grŵp Llywio

Rhanddeiliaid

Llywodraethu

Rhaglen o weithgareddau yw Technocamps, ac mae'r pencadlys wedi'i leoli ym Mhrifysgol Abertawe. Prifysgol Abertawe yw prif bartner Rhaglen Technocamps. Cafodd Prifysgol Abertawe ei Siarter Frenhinol yn 1920, ac fel llawer o brifysgolion, mae'n cael ei llywodraethu gan ei chyfansoddiad, sydd wedi'i nodi yn ei statudau a'i Siarter (Rhif y Cwmni 000639).Mae ganddi hefyd statws elusennol ac mae wedi'i chofrestru yn elusen Rhif 1138342.

Corff llywodraethu Prifysgol Abertawe yw ei Chyngor, a gefnogir gan y Senedd a'r Llys.

Mae'r Cyngor yn cynnwys 29 o aelodau, gan gynnwys y Canghellor, Dirprwy Is-Gangellorion, yr Is-ganghellor, y Trysorydd, y Dirprwy Is-Gangellorion, aelodau sy'n staff a myfyrwyr, cynrychiolaeth o gyngor y ddinas a mwyafrif o aelodau lleyg.

Mae'r Cyngor yn gyfrifol am holl weithgareddau'r Brifysgol, ac mae ganddo strwythur pwyllgorau datblygedig i helpu i gyflawni ei bwerau a'i ddyletswyddau.

Y Senedd yw prif gorff academaidd y brifysgol, ac mae'n gyfrifol am addysgu ac ymchwil. Mae'r mwyafrif o'i 200 o aelodau yn academyddion, ond mae hefyd yn cynnwys cynrychiolwyr Undeb y Myfyrwyr a'r Undeb Athletau. Cadeirydd y Senedd yw'r Is-Ganghellor, sy'n bennaeth ar y brifysgol yn academaidd ac yn weinyddol.

Mae'r Llys yn cynnwys mwy na 300 o aelodau sy'n cynrychioli rhanddeiliaid o sefydliadau lleol i sefydliadau cenedlaethol. Mae'n cyfarfod yn flynyddol i drafod adroddiad blynyddol y Brifysgol, ei chyfriflenni a materion yn ymwneud ag addysg uwch. Mae Technocamps wedi'i leoli ar Gampws Singleton ym Mhrifysgol Abertawe, ac mae'n cael ei arwain gan Gyfarwyddwr Technocamps, yr Athro Faron Moller, sy'n adrodd i'r Gyfadran Cyfrifiadureg sy'n eistedd yn y Gyfadran Gwyddoniaeth a Pheirianneg yn y Brifysgol.

Cefnogir Cyfarwyddwr y Rhaglen gan y Prifysgolion ledled Cymru ac ystod eang o randdeiliaid. Mae'r rhanddeiliaid yn cwrdd bob wyth mis i drafod cyfeiriad y rhaglen ac i sicrhau bod ein cenhadaeth, ein gweledigaeth a'n gwerthoedd yn cael eu cynnal, yn ogystal ag i drafod cyfeiriadau strategol ar gyfer y Rhaglen yn y dyfodol.

Ar hyn o bryd mae'r Rhaglen yn cefnogi'r prosiectau canlynol:

Cyfoethogi STEM Technocamps – Cymru gyfan gyda chefnogaeth Llywodraeth Cymru
Technoteach – ledled Cymru gyda chymorth Llywodraeth Cymru
Cyfrifiadura'r Maes Chwarae – ledled Cymru gyda chefnogaeth Llywodraeth Cymru
Sefydliad Codio Cymru – ledled Cymru gyda chymorth CCAUC
Gradd-brentisiaeth BSc Peirianneg Meddalwedd Gymhwysol – prosiect a ariennir gan CCAUC.