Ar ddydd Mercher 13eg Mawrth 2025, dathlodd ein Cystadleuaeth Game of Codes ei 10fed penblwydd! Croesawyd dros hanner cant o ddisgyblion o bob rhan o Gymru i rownd olaf ein cystadleuaeth codio flynyddol yn adeilad Abacws o’r radd flaenaf Prifysgol Caerdydd.

Eleni, gofynnwyd i ddysgwyr greu darn o feddalwedd o dan y thema Archarwyr Gwyddoniaeth. Mae ein cystadleuaeth Game of Codes yn gyfle i ddisgyblion ddatblygu eu sgiliau datrys problemau, cyfathrebu, a gwaith tîm wrth wella eu gwybodaeth o raglennu cyfrifiadurol mewn ffordd hwyliog a dyfeisgar. Gwahoddwyd dysgwyr i gystadlu fel tîm neu unigolion ac roedd angen i'r feddalwedd fod â dyluniad gwreiddiol mewn unrhyw iaith godio (Scratch, Javascript, ac ati) ar ffurf gêm, gwefan, ap, cwis neu animeiddiad. Cyn y digwyddiad terfynol, gofynnwyd i'r ymgeiswyr gyflwyno poster a chynnwys disgrifiad o sut y crëwyd y feddalwedd, pwy wnaeth beth a pha gamau a gymerwyd i greu'r dyluniad. Yn ystod y digwyddiad ar ddydd Mercher, cymerodd ymgeiswyr ran mewn dau weithdy: un ddi-blwg ac un yn seiliedig ar godio. Asesodd y beirniaid y gwaith yn seiliedig ar ba mor dda y gweithiodd y timau gyda'i gilydd, a oedd y feddalwedd yn arloesol ac yn greadigol, a sut roedd y cystadleuwyr yn targedu eu cynulleidfaoedd.

Derbyniodd y cynigion gorau rai gwobrau Technocamps cyffrous. Yr enillwyr oedd:

Tîm Gorau - Fusis (Ysgol Gyfun Gymraeg Bro Edern
Unigolyn Gorau - Boris Smatko (Penllergaer Primary School)
Dewis y Beirniaid - Cyber Sparks (Stanwell School)
Dewis y Bobl - Young Ambitious Coders (Ysgol Porth Y Felin)
Canmoliaeth Uchel - Explosive Kids (Stanwell School) & Ollie Prime (St Mary’s Brymbo)

"Rwyf wedi fy syfrdanu gan safon y ceisiadau, roedd yn anodd iawn penderfynu ar enillydd!"
– Dr Catherine Teehan